Fannedalen Traditional Geocache

Denne cachen finn du i eit fantastisk turområde i Fannedalen i Haram kommune.

Fannedalen ligg mellom Slyngstad og Ertresvågen. For å komme dit, køyrer du til Slyngstad, om lag 4 km frå krysset på Eidet, mot Brattvåg. Ved passering av to nesten samanhengande bruer, tek du av på grusvegen opp til høgre.

Fannedalen er eit svært populært turområde og eignar seg godt for barnefamiliar. Du følgjer grusvegen gjennom nasjonalromantisk natur, kjem til det idylliske Fannevatnet. Etterkvart kjem du fram til eit lite nes, perfekt for ein liten rast. Her i nærleiken finn du også cachen; ein nasjonalromantisk cache utplassert på sjølvaste nasjonaldagen etter ei flott feiring av 200-års-jubileumet til grunnlova vår :)

Bord og benkar er sett opp langs vegen. Grusvegen i Fannedalen er godt eigna til sykkelturar. Normalt kan ein sykle gjennom Fannedalen frå Slyngstad og kome ned i Ertresvågen og der er moglegheit for å sykle vidare rundt og tilbake til Slyngstad. Dette er ein tur på om lag 20 km. Eit ras på Ertresvågsida nesten i enden av vatnet frå i fjor vinter sperrer framleis vegen og gjer dette umogeleg akkurat no. Det er derfor ikkje mogleg å finne cachen ved å gå opp frå Ertresvågsida akkurat no.

Ønskjer du du å fiske er Fannedalen lett tilgjengeleg. Grunneigarlaget har lagt tilhøva svært godt til rette med sjølbetjent fiskekortordning og utleige av båt og garn.  Eige garn kan ikkje brukast. Bruk av motor på vatnet er forbode. Camping minst 150 meter frå næraste hytter. Meir om fiske og båtutleige i Fannedalen finn du her: http://www.haram.kommune.no/artikkel.aspx?AId=644&Back=17

Innhald:
Logg, blyant og FTF-premie :)