Vi møtes på åsen her og tar oss en cacheprat!
"Kvar vår, rundt slutten av april, kan du oppleva ein fin gul blome som blomstrar; kusymra. Fleire plassar på Jæren kan du sjå han - særleg i dei søre delane. Litt utanfor allfarveg nær Ogna, i nordhellinga av Smøråsen, veks det så mykje av han at du nesten ikkje klarer fota deg utan å trø han ned.
Kusymra, eller Primula vulgaris som han heiter på latin, er eit vårteikn, og truleg har blomen namnet sitt frå tida det kunne passa å sleppa kyra på beite. Namnet Primula betyr "den første om våren."
Kusymra vart tidlegare brukt som medisinsk urteplante. Ho skulle vera slimløysande, hjelpa mot krampe, er visstnok svakt smertestillande og roande. I tillegg har blomen vore brukt til blodrensing, som ormemiddel og til brekkmiddel. I alle høve er både blad og blome etande, og blomane kan brukast til å pynta kaker eller salatar. Men det skal også seiast at planta kan gje allergiske reaksjonar for nokre.
Kusymra er i alle fall fin å sjå på, og då er ein tur til Smøråsen ein fin liten spasertur for å få stemning av vår." - Lefr 2013